दिनांक ९ मार्च २०२६ रोजी “वंदे मातरम गीताला १५० वर्षे पूर्ण” झाल्याच्या निमित्ताने विशेष व्याख्यान कार्यक्रमाचे आयोजन करण्यात आले होते. या कार्यक्रमाच्या प्रमुख व्याख्यात्या म्हणून आदरणीय लिना घारपूरकर मॅडम उपस्थित होत्या.
कार्यक्रमाची सुरुवात सरस्वती पूजन व वंदे मातरम गीताने करण्यात आली. कार्यक्रमाचे प्रास्ताविक डॉ. राधाराणी बॅनर्जी यांनी करून वंदे मातरम गीताचे ऐतिहासिक व सांस्कृतिक महत्त्व थोडक्यात सांगितले. त्यानंतर प्रमुख व्याख्यात्या लिना घारपूरकर मॅडम यांचा पुष्पगुच्छ देऊन सत्कार करण्यात आला. प्रमुख व्याख्यात्यांचा परिचय डॉ. प्रणाली देशमुख यांनी करून दिला.
आपल्या प्रभावी आणि प्रेरणादायी व्याख्यानात लिना घारपूरकर मॅडम यांनी वंदे मातरम गीताची निर्मिती, त्याचा स्वातंत्र्यलढ्यातील महत्त्वाचा वाटा आणि आजच्या तरुण पिढीसाठी त्याचे प्रेरणादायी मूल्य याविषयी सविस्तर मार्गदर्शन केले. त्यांनी सांगितले की, वंदे मातरम हे केवळ गीत नसून ते भारतीयांच्या देशभक्तीचे प्रतीक आहे. या गीताने स्वातंत्र्य संग्रामाच्या काळात असंख्य क्रांतिकारकांना प्रेरणा दिली.
तसेच त्यांनी विद्यार्थ्यांना राष्ट्रप्रेम, एकता आणि सामाजिक जबाबदारी यांचे महत्त्व पटवून दिले. त्यांच्या मार्गदर्शनामुळे उपस्थित विद्यार्थी आणि शिक्षक यांना देशभक्तीची प्रेरणा मिळाली. कार्यक्रमाला संस्थेचे शिक्षक, कर्मचारी व मोठ्या संख्येने विद्यार्थी उपस्थित होते. शेवटी डॉ. हर्षल चलवादी यांनी आभार प्रदर्शन करून कार्यक्रमाची सांगता केली.
